Jutry křesćanam kaž tež njewěriwym dostojny a měrniwy swjedźeń byli
Budyšin/Rowno/Rakecy (ML/SN/mwe/at). Jutry 2016 běchu měrniwy a dostojny swjedźeń, jedyn z najwjetšich swjatych dnjow za ewangelskich kaž katolskich wěriwych a druhim wotpočink w zhromadźenstwje swójbow. Mnohim na swěće bě tež lětsa zaso jutrowne žohnowanje bamža Franciskusa „Urbi et Orbi“ wažne poselstwo. W swojim jutrownym prědowanju na Romskim Pětrowym naměsće swjaty wótc cyły swět namołwi, wujednać so z Bohom a z blišimi. „Trjebamy to“, wón tež zhladujo na terorowy nadpad w Pakistanje podšmórny.