Po wšěm zdaću nazymu započnu Slepjanski šulski centrum twarić
Slepo (AK/SN). Hišće lětsa chcedźa nowy Němsko-serbski šulski centrum Slepo twarić započeć. „Nazymu maja twarske dźěła zaběžeć“, rjekny nawoda planowanskeho a twarskeho wotrjada Slepjanskeho zarjadniskeho zjednoćenstwa Steffen Seidlich wčera na posedźenju tamnišich gmejnskich radźićelow na naprašowanje. „Dotal njeje předwidźane, na tymle časowym planje něšto změnić.“