Domjacy lěs w srjedźišću stał

póndźela, 25. apryla 2016
artikl hódnoćić
(0 )
Wopytowarjo lěsneho dnja w Pěskecach dožiwichu sobotu mjez druhim mobilny rězak  Ralbičana Maćija Šnabla w akciji.  Foto: Helmut Schippel Wopytowarjo lěsneho dnja w Pěskecach dožiwichu sobotu mjez druhim mobilny rězak Ralbičana Maćija Šnabla w akciji. Foto: Helmut Schippel

Pěskecy (HS/SN). Derje wopytany bě sobotu dźeń lěsnistwoweho wobwoda Hornja Łužica, wotměwacy so we wobłuku 8. sakskich lěsnych tydźenjow w Pěskecach. Na tamnišim sportnišću wjerćachu so ramikowy program a poskitki wustajerjow kołowokoło domjaceho lěsa. Hižo při wotewrjenju móžeštaj nawoda lěsnistwoweho wobwoda Holm Karraß a Njebjelčanski wjesnjanosta Tomaš Čornak (CDU) tójšto zajimcow witać.

Mjez wustajerjemi prezentowaše so Žuričan Alojs Šołta ze swojimi filigra­nymi wudźěłkami z drjewa. Zastupjerjo wuchodosakskeho­ zwjazka sokołarjow pokazachu swoje pazoraki, dźěći doži­wichu klankohru wo kašporu a paduchu drjewa a zarjad za wobswětowe kubłanje­ znazorni, zo su loni jeničce w lěsni­stwowym wobwodźe Hornja Łužica­ 88 tonow wotpadkow a njerjada rumowali­.

wozjewjene w: Lokalka
Prošu přizjewće so, chceće-li komentar podać

nawěšk

  • Katolscy wěriwi swjeća dźensa wysoki swjedźeń Božeho ćěła. W nimale wšitkich serbskich wosadach, kročachu procesiony, zwjetša přewodźane wot dujerjow, k wonkownym wołtarkam. Sobu na čole procesionow dźěše wjele serbskich družkow. Tójšto dalšich holco

nowostki LND