Kapałku swjateho Ławrjenca pola Smječkec wobšěrnje ponowja
Smječkecy (JK/SN). Blisko Janskeje kupjele do směra na Wudwor je Sulšečanski samostatny twarski předewzaćel Józef Šołta přewzał naročny nadawk, na kotrymž nimale zadwěluje. W nadawku rodźeneho Wudworčana a nětko blisko Hamburga bydlaceho Jurja Šołty ponowja rodźeny Lejnjan składnostnje jeho 90tych narodnin kapałku, swjatemu Ławrjencej poswjećenu.
