Krótkopowěsće (03.08.16)

srjeda, 03. awgusta 2016
artikl hódnoćić
(0 )

Jan Budar zrěčenje podpisał

Budyšin. Wot 1. oktobra změje Załožba za serbski lud noweho direktora. Jan Budar je wotpowědne zrěčenje podpisał. Po třećim pospyće bě załožbowa rada 41lětneho diplomoweho inženjera za medijowu techniku na aprylskim posedźenju wuzwoliła. Budar bě naměstnik čłona załožboweje rady, wot lońšeho jej předsyduje. Wón budźe po Marku Suchym druhi direktor 1991 wutworjeneje załožby.

Póndźelu zahaja předań lisćikow

Čorny Chołmc/Drježdźany. Zastupne lisćiki za 6. swjedźenske hry na ležownosći Čornochołmčanskeho Krabatoweho młyna budu wot 8. awgusta na předań. Skazać móžeš tiket internetnje wot 8 hodź., telefonisce wot 10 hodź. pod čisłom 0351/410 79 55. Wot 21. junija do 9. julija 2017 planuja dohromady pjatnaće předstajenjow.

Koncept palasta předstajeny

wozjewjene w: Krótkopowěsće
Prošu přizjewće so, chceće-li komentar podać

Serbska debata

nowostki LND