Parlička za trening dorosta

wutora, 20. septembera 2016
artikl hódnoćić
(0 )
Wosadny farar Michał Nawka, předsyda Njebjelčanskeje sportoweje jednotki Bjarnat Deleńk, wjesnjanosta Tomaš Čornak a zastupjerjej předewzaća Ziegler Sabine Hobrack a Udo Rietscher (wotlěwa) přepodachu minjeny pjatk nowe sportnišćo w Serbskich Pazlicach.  Foto: Jan Kral Wosadny farar Michał Nawka, předsyda Njebjelčanskeje sportoweje jednotki Bjarnat Deleńk, wjesnjanosta Tomaš Čornak a zastupjerjej předewzaća Ziegler Sabine Hobrack a Udo Rietscher (wotlěwa) přepodachu minjeny pjatk nowe sportnišćo w Serbskich Pazlicach. Foto: Jan Kral

Z wjesneho hrajnišća a swjedźenišća nahladne sportnišćo nastało

Serbske Pazlicy (JK/SN). Gmejna Njebjelčicy a wosebje Serbske Pazlicy su wo rjanu městnosć bohatše. Minjeny pjatk přepodachu zastupjerjo gmejny a Njebjelčanskeje sportoweje jednotki ponowjene sportnišćo w Serbskich Pazlicach jeho nowemu a za sportowe žiwjenje gmejny njeparujomnemu zaměrej. Wjesnjanosta Tomaš Čornak (CDU) kaž tež předsyda Njebjelčanskeje SJ Bjarnat Deleńk hódnoćeštaj na swjatočnym zarjadowanju wosebje přinošk wobydlerjow za derje poradźenu sportowu městnosć. Njeličomne hodźiny dobrowólneho dźěła su čłonojo sportoweje jednotki kaž tež wjesnjenjo nałožowali, zo bychu dotalne hrajnišćo wjesneje dźěćiny a swjedźenišćo­ na woprawdźe nahladne sportnišćo přeměnili. Wone hodźi so samo po potrjebje awtomatisce krjepić. Tomaš­ Čornak wuzběhny wosebje přinošk Serbskopazličanskich žonow, kotrež su pilnych pomocnikow přez cyły čas na wustojne wašnje zastarowali. Sportnišćo budźe předewšěm dorostej Njebjelčanskeje SJ jako treningowa městnosć słužić.

wozjewjene w: Lokalka
Prošu přizjewće so, chceće-li komentar podać

nawěšk

  • Minjenu njedźelu wotmě so w Blunju 11. serbski ewangelski domizniski dźeń. Tule nańdźe někotre fotowe impresije ze swjedźenja, kotrež je Janek Wowčer zapopadnył.
Am 17. Juni fand in Bluno der 11. sorbische evangelische Heimattag statt. Hier finden si

nowostki LND