Přetwar nuznje trěbny

srjeda, 07. decembera 2016
artikl hódnoćić
(0 )

Zarjadniski zwjazk rozmysluje wo wobšěrnych dźěłach – tak abo znak

Pančicy-Kukow (SN/MWj). Dokelž běrowowe twarjenje zarjadniskeho zwjazka Při Klóšterskej wodźe hižo dźensnišim žadanjam njewotpowěduje, jeho před­syda Měrko Domaška rozmysluje, dom w Pančicach-Kukowje wobšěrnje ponowić. Na wčerawšej zhromadźiznje zarjadniskeho zwjazka je wón zastupjerjow pjeć sobustawskich gmejnow wo najwšelakorišich njedostatkach informował.

Tak maja z přizjewjernju runje tón wobłuk na hornim poschodźe zaměstnjeny, kotryž wobydlerjo najbóle wužiwaja. Lift pak w domje nimaja. To woznamjenja předewšěm staršim ludźom často wobćežny puć po wuskim drjewjanym schodźe. Wolijowe tepjenje je mjeztym 20 lět stare a načinja wjele reparaturow. Tepjenje na płunowe přetwarić by dołhodobnje kóšty zalutowało, Domaška podšmórny. Na nuznikach maja jeno zymnu wodu, w někotrych běrowach zestarjene wobswětlenje a nutřkowne durje su tajke, zo při wosobinskich rozmołwach sobudźěłaćerjow z wobydlerjemi diskretnosć zaručena njeje, „hdyž móžeš na chódbje sobu słuchać, wo čim so rěči“.

wozjewjene w: Lokalka
Prošu přizjewće so, chceće-li komentar podać

nawěšk

  • Minjenu sobotu, 24. nowembra, wotmě so Budyskim NSLDź lětuša Schadźowanka. Tule namakaće někotre fotowe impresije.
Das alljährliche Treffen der sorbischen Studierenden, Absolventen und Gymnasiasten Schadźowanka fand am Samstag, den 24. November, zum

nowostki LND