Runja druhim komunam tež Dźěwinska derje wě, zo je spěšny internet rozsudny infrastrukturny faktor. Hač pak móža swójski podźěl za to zapłaćić, tuchwilu hišće jasne njeje.
Dźěwin (AK/SN). W lěće 2016 je Dźěwinska gmejna solidnje a zlutniwje hospodariła. „Wotzamknjemy je z dobrym wuslědkom“, podšmórny komornica Carmen Petrick na zašłym posedźenju gmejnskeje rady. Pod smužku maja poměrnje snadny deficit 20 000 eurow. Tón móhli samo pomjeńšić, dokelž wočakuja hišće přepokazanja z dochodoweho dawka, kaž komornica rozłoži.