Starši na posedźenju gmejnskeje rady rozhorjeni
Pančicy-Kukow (SN/MWj). Poprawom chcychu Wotrowske hortowe dźěći adwentničku w swojich po wulkej wodźe ponowjenych rumnosćach we Wotrowskej pěstowarni swjećić. Hač pak so to zešlachći, je dwělomne. Přetož přeco hišće njesmědźa wone do swojich rumnosćow zaćahnyć. Wina na tym je, zo njejsu rumnosće hišće twarsce wotewzate. Swoju rozhorjenosć dla toho někotři starši na wčerawšim posedźenju Pančičansko-Kukowskeje gmejnskeje rady zwuraznichu.