Stejnišćo wažne za dalewjedźenje koncepta 2plus

srjeda, 18. januara 2017
artikl hódnoćić
(0 )

Serbska přirada města Wojerec wojuje wo zachowanje stejnišća Handrija Zej­lerjoweje zakładneje šule Při Worjole na kromje města.

Wojerecy (AK/SN) Serbska přirada města Wojerec zhladuje na intensiwne lěto 2016, kaž jeje předsyda Dirk Nasdala podšmórnje. Ćežišća běchu mjez druhim Smolerjowe lěto, rěč spěchowace projekty za dźěći a młodostnych, koncept dołhodobneho zawěsćenja dwurěčneho popisanja wobchadnych taflow kaž tež bój wo zachowanje stejnišća Wojerowskeje Handrija Zejlerjoweje zakładneje šule. Přirada prócowaše so tež wo to, zawjesć pokazki stacijow we wokolnych busowych linijach tež w serbšćinje, kaž je w měšćanskim wobchadźe hižo maja. Zdobom skedźbnja gremij na serbskosć Čornochołmčanskeho Krababatoweho młyna a tam nastawaceho Jurja Brězanoweho domu. Serbskosć měła so při wuwiwanju cyłkowneho kompleksa dale wobkedźbować.

wozjewjene w: Łužica
Prošu přizjewće so, chceće-li komentar podać

Serbska debata

nowostki LND