Delegacija Radworčanow po puću do Israela
Radwor (SN/MkWj). Z nazhonjenjow druhich wuknyć a něšto za sebje wuzbytkować – to je hłowny zaměr małeje delegacije, kotraž je so dźensa z Radworja na puć do Israela podała. Při tym dźe wo škit přirody a wobswěta.
Nastorčił bě jězbu Ludwig Sachsa, wjelětny wojowar na polu wobswětoškita a čestnohamtski społnomócnjeny za přirodoškit w Radworskej gmejnje. Wón so hižo jara dołho na intensiwne ratarstwo mjerza, kotrež přirodźe škodźi. Tak na přikład juchu we wulkich mnóstwach na pola kidaja. Sachsa bě zhonił, zo maja w Israelu uniwersitu, kotraž so z tajkimi prašenjemi intensiwnje zaběra.