Krótkopowěsće (04.08.17)

pjatk, 04. awgusta 2017
artikl hódnoćić
(0 )

Po 15 lětach kónc

Nowa Niwa. Wot septembra změja w Nowoniwjanskej pěstowarni „Błótowske wrobliki“ jenož hišće jednu hodźinu serbšćiny wob tydźeń. Po 15 lětach je tuž kónc z cyłodnjowskim kubłanjom po modelu Witaj, rozprawjatej Serbski a Delnjoserbski rozhłós. Jako přičinu mjenuje nošer, zarjad Luboraz-Hornje Błóta přemało přizjewjenjow jeničce šěsć dźěći.

Hotel předaty

Budyšin. Best Western w Budyšinje ma noweho wobsedźerja. Kaž wjednistwo hotela zdźěla, je Podstupimska towaršnosć Obotritia Hotel minjenu wutoru dom přewzała a chce jón profesionalnje dale wjesć. Wot lěta 1991 běše Berlinska HGG oHG štyrihwězdowy dom ze 157 stwami, kotryž bě za čas NDR jako hotel Lubin znaty, wuspěšnje wobhospodarjała.

Policist muža zatřělił

Zhorjelc. Policist je wčera w Eckartsbergu w gmejnje Mittelherwigsdorf 23lětneho muža zatřělił. Tole zdźěla Zhorjelska policajska direkcija. Do toho běchu zastojnikow wołali, dokelž bě 23lětny pječa swoju 47lětnu mać nadběhował. Kriminalna policija pad přepytuje, předewšěm wobstejnosć, kotrejež dla je k zasadźenju brónje dóšło.

wozjewjene w: Krótkopowěsće
Prošu přizjewće so, chceće-li komentar podać

nawěšk

  • Tež lětsa je Domowina na swjedźenskim zarjadowanju wjacorym čestnohamtsce skutkowacym Serbam Myta Domowiny, Čestne znamješko Domowny a tohorunja čestne čłonstwo třěšneho zwjazka spožčiła.  Mjez wuznamjenjenymi běchu zastupjerjo wjacorych generacijow.

nowostki LND