Smochčanski Dom biskopa Bena skića za najwšelakoriše zarjadowanja wuběrne wuměnjenja. Tež chóry sej waža, zo móža tam w přijomnej atmosferje zwučować.
Smochćicy (aha/SN). Štóž je sej sobotu wječor na koncert do kapałki Smochčanskeho Domu biskopa Bena dojěł, njeje to wobžarował. Poradźena wuměłska chłóšćenka k zakónčenju 15. spěwneho tydźenja w Smochćicach wobsahowaše mjez druhim chórowe twórby italskich komponistow Marija Castelnuovo-Tedesca, Emilija de Cavalierija, Marenzinowa, Claudija Monteverdija a Domenica Scarlattija kaž tež instrumentalne twórby baroka a klasiki.