Za wubědźowanje zmijow kmany wětřik njebył

srjeda, 25. oktobera 2017
artikl hódnoćić
(0 )
Wandrowskaj Volker a Moritz zabawještaj wopytowarjow w Čornym Chołmcu, mjez druhim wosomlětnu Amiru.  Foto: Ulrike Herzger Wandrowskaj Volker a Moritz zabawještaj wopytowarjow w Čornym Chołmcu, mjez druhim wosomlětnu Amiru. Foto: Ulrike Herzger

Čorny Chołmc (UH/SN). Na wubědźowanje zmijow a na swinjorězanje běchu minjenu sobotu při Čornochołmčanskim Krabatowym młynje přeprosyli. Ale susodna łuka, kiž słuži na wulkozarjadowanjach jako přidatne parkowanišćo a kotraž měješe nětko dosć městna za zmijowy spektakl skićić, wosta nimale wosyroćena. Přetož wažna komponenta pobrachowaše: dosć sylny a wobstajny wětřik. Jeno třo, štyrjo pjerachojo, podpěrani wot swojich staršich, swoje zbožo spytachu. Sčasami so jim woprawdźe poradźi, zmij znajmjeńša trochu do wysokosće pušćić. Na wubědźowanje pak při tychle wuměnjenjach myslić njebě, wšako zmije stajnje zaso „znjezbožichu“.

Bohužel tež kuzłarske mocy Čorneho młynka alias Dietera Klimeka pomhać njemóžachu. Za to so wón ćim lěpje w serbskim powěsćowym swěće wuznawa a je so jako wuběrny powědar wopokazał. Spěšnje měješe horstku zajimcow wokoło sebje, kotrymž powědaše wón runje tón dźeń derje hodźacu so stawi­znu wo zmiju, pomhacym chudym ludźom.

wozjewjene w: Lokalka
Prošu přizjewće so, chceće-li komentar podać

nawěšk

  • Tež lětsa je Domowina na swjedźenskim zarjadowanju wjacorym čestnohamtsce skutkowacym Serbam Myta Domowiny, Čestne znamješko Domowny a tohorunja čestne čłonstwo třěšneho zwjazka spožčiła.  Mjez wuznamjenjenymi běchu zastupjerjo wjacorych generacijow.

nowostki LND