Wjelki w Budyskim wokrjesu dale tema čisło jedyn

Łazk/Budyšin (SN/BŠe/JaW). Škitarjo wjelkow swjeća dźělny wuspěch. Wot minjeneho pjatka mjenujcy je jasne, zo wostanje najprjedy raz dale zakazane na wjelki třěleć. Kaž Drježdźanske zarjadniske sudnistwo zdźěli, bě delni hóntwjerski zarjad Budyskeho wokrjesa próstwu, wjelka Róžeńčanskeje črjódy zatřělić, nachwilnje wusadźił. „Pruwujemy, hač bě dowolnosć prawnisce móžna“, wottam rěkaše. Hišće tónle tydźeń měli z doskónčnym rozsudom ličić. Přećiwo dowolnosći sakskeho ministerstwa za wobswět, jednoho wjelka Róžeńčanskeje črjódy zatřělić, bě Zelena Liga spřećiwjenje zapodała. Wobswětowy zwjazk zwěsća, zo njeje jasne dosć, kotre pozadki běchu k dowolnosći wjedli.