Chcedźa zarjad přetwarić

pjatk, 24. nowembera 2017
artikl hódnoćić
(0 )

Zarjadniski zwjazk wotedawk na wobydlerja snadnje zwyši

Pančicy-Kukow (SN/mwe). Předsyda zarjadniskeho zwjazka Při Klóšterskej wodźe Měrko Domaška je wčera na zjawnej zhromadźiznje hišće raz potwjerdźił, zo je jedne z najwažnišich předewzaćow zarjadnistwa, přetwar domu. K tomu hižo wjacore próstwy wosebje wobydlerjow předleža, wšako njewotpowěduje twarjenje hižo standardej zbrašenych abo młodych maćerjow. Nimo toho dyrbja elektriku a tepjenje wobnowić.

Jako prěnje pak, Domaška potwjerdźi, budźe cyły objekt prawje wuměrjeny. Wšako tuchwilu žane dokładne podłožki wo wulkosći rumnosćow a wo tym, što bu tam hižo twarjene, njepředleža. Hakle potom hodźi so dokładnišo rjec, što přetwar scyła płaći. „Na nowotwar zarjadniskeho domu wokomiknje nichtó njemysli“, Měrko Domaška Serbskim Nowinam wčera zdźěli. Prašenje dźě je, hdźe bychu nowy zarjad twarić dyrbjeli. „Naši ludźo wědźa, hdźe smy, su so na to zwučili, mamy parkowanišćo a dobru infrastrukturu.“ Tule měni Domaška blisku apoteku, nakupowanske móžnosće, fyzioterapiju a lěkarske praksy w susodstwje.

wozjewjene w: Łužica
Prošu přizjewće so, chceće-li komentar podać

Serbska debata

nowostki LND