Wuměnkarjow druhi raz na adwentničku přeprosyli

póndźela, 18. decembera 2017
artikl hódnoćić
(0 )
Wuměnkarjo Chróšćanskeje gmejny zetkachu so tele dny w „Jednoće“ k swojej adwentničce .  Foto: Alfons Handrik Wuměnkarjo Chróšćanskeje gmejny zetkachu so tele dny w „Jednoće“ k swojej adwentničce . Foto: Alfons Handrik

Chrósćicy (aha/SN). W šěsć wjesnych dźělach Chróšćanskeje gmejny maš tuchwilu 1 035 wobydlerjow, štož je rozrost porno minjenym lětam. 75 z nich mó­žeše wjesnjanosta Marko Kliman (CDU) na adwentničce wuměnkarjow w sydarni „Jednoty“ witać. Zarjadowanja tajkeho razu běchu w Chrósćicach hižo za čas NDR přewjedli, po přewróće pak bě to hakle druhi raz, štož nańdźe mjez wobdźělnikami wulke připóznaće.

K zazběhej předstajichu šulerjo zakładneje šule ze swojimaj wučerkomaj Simonu Šěnowej a Ludmilu Donatowej spodobny wotměnjawy program. Lóštnje zanjesechu spěwarjo, mjez nimi tež rumpodichojo, sněhowy muž a samo swj. Lucija adwentne a hodowne dźěćace pěsnje a basnje a pokazachu tak, zo serbsku­ a němsku rěč derje wobknježa. Do programa zapřijate instrumentalne přinoški na pišćałce, gitarje, keyboardźe a samo trompeće swědča wo tym, zo šula na hudźbne kubłanje wulku wažnosć kładźe.

wozjewjene w: Lokalka
Prošu přizjewće so, chceće-li komentar podać

nawěšk

SERBSKE NOWINY podpěruja:

fueorg misain karten sorbisch

nowostki LND