Prěni raz zhromadnje do noweho lěta pućowali

srjeda, 03. januara 2018
artikl hódnoćić
(0 )
Tež z Jaseńcy su so tamniši wobydlerjo na puć podali a so zawčerawšim na hwězdnym pućowanju wobdźělili.  Foto: Gerd Graumüller Tež z Jaseńcy su so tamniši wobydlerjo na puć podali a so zawčerawšim na hwězdnym pućowanju wobdźělili. Foto: Gerd Graumüller

Na najwšelakoriše wašnje su zawčerawšim w dwurěčnej Łužicy nowe lěto witali. Nowosć dožiwichu w Bóščanskej gmejnje. Tam zetkachu so wobydlerjo prěni raz k hwězdnemu pućowanju.

Bóšicy (SN/MWj). Na wšěch 180 woby­dlerjow Bóščanskeje gmejny je so prěni dźeń noweho lěta na hwězdnym pućowanju wobdźěliło. Ideju za prěnje zarjadowanje tajkeho razu měješe wjesnjanosta Stanij Ryćer (Rjemjesło Bóšicy). „Mys­ličku za to sym raz w někajkej bjezsparnej nocy zrodźił“, wón Serbskim Nowinam přeradźi. Doniž pak tak daloko njebě, měješe wón tójšto přihotow na starosći. Tak wumysli sej štyri čary, kotrež wjedźechu z Bóšic, Wětrowa, Jaseńcy a Hory do Bóšic. Nimo toho bě za kóždeho wobdźělnika wosebitu značku zhotowić dał. „Myslach sej, zo by rjenje było, by-li znajmjeńša 50 ludźi přišło. Hač do sto wšak móhło jich tež być. Zo je na kóncu 180 wobydlerjow přišło, je mje wězo zwjeseliło, ličił pak z telko zajimcami njejsym“, hłowny organizator powěda.

wozjewjene w: Łužica
Prošu přizjewće so, chceće-li komentar podać

Serbska debata

nowostki LND