Gmejna Trjebin nadźija so stoprocentneho spěchowanja
Trjebin (AK/SN). Wutwar spěšneho interneta za cyłu komunu je dale wulki zaměr gmejny Trjebin. Cyłkownje płaći projekt něhdźe 386 000 eurow. Gmejnscy radźićeljo su na swojim wčerawšim posedźenju jednohłósnje wobzamkli, za to 38 000 eurow swójskich srědkow do hospodarskeho plana zapisać. Financować móža to dźakowano přidatnym dochodam z přemysłoweho dawka 2017. „Běchmy ze 175 000 eurami dochodow planowali, dóstali smy hač do kónca lěta 315 000 eurow“, rozłoži komornica Carmen Petrick zwjeselace wuwiće srjedźołužiskeje komuny.