Trabi ze serbskej chorhojčku

wutora, 13. februara 2018
artikl hódnoćić
(0 )
Jedyn z najwjetšich wozow we wčerawšim róžowopóndźelnym ćahu w Kulowje bě tón z Nowoslic, kiž steješe pod hesłom  „Cwólba gumijowych barikow“. SN/Maćij Bulank Jedyn z najwjetšich wozow we wčerawšim róžowopóndźelnym ćahu w Kulowje bě tón z Nowoslic, kiž steješe pod hesłom „Cwólba gumijowych barikow“. SN/Maćij Bulank

Wjace hač 20 wulkich wozow a 100 wobrazow w póstniskim ćahu

Kulow (SN/MWj). Z Radworja, Hórkow, Pančic-Kukowa, Njebjelčic a dalšich kónčin dwurěčneje Hornjeje Łužicy dojědźechu sej nory wčera do Kulowa, zo bychu tam róžowopóndźelny póstniski ćah dožiwili. Po měnjenju wjacorych přihladowarjow bě wón jedyn z najdlěšich zašłych lět, přetož ručež bě posledni wóz prěni raz nimo radnicy jěł, jewješe so hižo zaso čoło ćaha. Na torhošću a na wokolnych hasach tysacy ludźi noram na wjetšich a mjeńšich wozach přikiwachu a jich ideje wobdźiwachu.

Lokalne politiske naležnosće su wčera lědma rólu hrali, za to pak „wulka“ politika. Tak zaběrachu so Kobličenjo z wuchowanskej hasku po njezbožach, Němčenjo mějachu cirkus za temu, a wóz z Rachlowa zaběraše so z łužiskej brunicu. Ko­ćinska młodźina je na swojim wozu wuchowanski helikopter zwobrazniła, Kulowski VW-klub šwikaše dwuklasowu towaršnosć we wobłuku strowotniskeho systema.

wozjewjene w: Lokalka

Galerija

dalši wobraz (1) Na Kulowskim torhošću a wokolnych hasach je wčera 10 000 ludźi wulki póstniski ćah widźało. W nim je mjez druhim wóz z Koćiny sobu jěł.
dalši wobraz (2) Salowčenjo so wčera 40. raz na Kulowskim póstniskim ćahu wobdźělichu.
Prošu přizjewće so, chceće-li komentar podać

nawěšk

nowostki LND