Turistiska informacija ma atraktiwne suweněry

póndźela, 19. februara 2018
artikl hódnoćić
(0 )
Sobudźěłaćerka Wojerowskeje turistiskeje informacije Anja Heeger a Franziska Tennhardt z měšćanskeho hospodarskeho spěchowanja (wotlěwa) prezentujetej tu jenož mały dźěl rozšěrjeneje palety suweněrow.  Foto: Ulrike Herzger Sobudźěłaćerka Wojerowskeje turistiskeje informacije Anja Heeger a Franziska Tennhardt z měšćanskeho hospodarskeho spěchowanja (wotlěwa) prezentujetej tu jenož mały dźěl rozšěrjeneje palety suweněrow. Foto: Ulrike Herzger

Wojerecy (UH/SN). Turistiska informa­cija we Wojerowskim wobydlerskim centrumje Piwarska hasa 1 je wosebite srjedźišćo, hdyž dźe wo naležnosće w Zusowym měsće a wo zajimawostki we łužiskej jězorinje. Sobudźěłaćerki skića tam wopytowarjam najlěpši serwis. „A štóž so zaso domoj poda, ma tola rady tón abo tamny suweněr w tobole“, wě Anja Heeger ze swojich wjelelětnych powołanskich nazhonjenjow. Mjez wopytowarjemi pak su tež wobydlerjo města abo ći, kotřiž běchu so wottud do blišeje abo dalšeje wokoliny přesydlili. „Tohodla so jara wjeselimy, zo móžachmy swój do­talny poskitk suweněrow z pomocu měšćanskeho zarjadnistwa z dalšimi wudźěłkami wudospołnić“, sobudźěłaćerka turistiskeje informacije rozłožuje. Artikle kaž mały přestrjenc před durje, podłožka za kompjuterowu myšku, snědańska ­de­sčička, lapka z mikro­nitkow abo zawki w formje wutroby pokazuja znate Wojerowske motiwy. Wone drje nadeńdu runje tak swojich woteběrarjow kaž klučowy přiwěšk z nakupowanskim chipom, puzzle abo čitanske znački.

wozjewjene w: Łužica
Prošu přizjewće so, chceće-li komentar podać

Serbska debata

nowostki LND