Podpěruja kulturne dny
Budyšin. Hłowna zhromadźizna Maćicy Serbskeje budźe 17. měrca. To je jeje předsydstwo zawčerawšim wobzamknyło. Dale wone wobzamkny, klětuše Serbske kulturne dny w Liberecskim kraju podpěrać. Kaž předsyda Maćicy Jurij Łušćanski zdźěli, wopominaja 16. měrca dopołdnja na Budyskim Mikławšku wučerja, spisowaćela a hudźbnika Michała Nawku, kiž bě před 50 lětami zemrěł.
Dalše přezmjezne projekty
Pančicy-Kukow. Wuběrk kooperaciskeho programa Pólska-Sakska je wutoru w Pančicach-Kukowje pjeć nowych projektow přizwolił. Mjez nimi je tež tón gmejny Łęknica a města Mužakowa, zesylnić kubłanske poskitki na woběmaj bokomaj Nysy. Kaž sakske wobswětowe ministerstwo informuje, je wuběrk 3,6 milionow eurow z Europskeho fondsa za regionalne wuwiće přizwolił.
Roman ze serbskej rjekowku