Wojerecy (WS/SN). W rumnosćach Zakładneje šule při Worjole „Handrij Zejler“ we Wojerecach-starym měsće nadeńdźeš tuchwilu dwójce wob tydźeń dweju gymnaziastow 12. lětnika, kotrajž tam serbšćinu wuknjetaj. Staj to Franciska Kowolec z Michałkow a Pawoł Nowak z Wulkeje Nydeje. Chcetaj so po lětušej maturje wo studijne městno w Lipsku požadać, zo byštaj na uniwersiće wučerstwo z předmjetom serbšćinu studowałoj.