Dopominaja na dóńt jatych

štwórtk, 08. měrca 2018
artikl hódnoćić
(0 )
Wědomostna nawodnica Wojerowskeho měšćanskeho muzeja Elke Roschmann (nalěwo) wodźi zajimcow po bywšim lěhwje „Elsterhorst“.  Foto: Ulrike Herzger Wědomostna nawodnica Wojerowskeho měšćanskeho muzeja Elke Roschmann (nalěwo) wodźi zajimcow po bywšim lěhwje „Elsterhorst“. Foto: Ulrike Herzger

Narć (UH/SN). Něhdźe dwaceći zajimcow ­wobdźěli so zawčerawšim na wodźenju po bywšim lěhwje „Elsterhorst“ pola ­Narća w gmejnje Halštrowska Hola. Wědomostna nawodnica Wojerowskeho měšćanskeho muzeja Elke Roschmann jim tam rozłoži, čemu je lěhwo w času wot lěta 1937 do 1948 słužiło. Z něhdy štyrceći barakow je hač do dźensnišeho jenož jenička zachowana, kotruž běchu tehdy jako lacaret wužiwali. Dokelž su ju we wšěch lětach lědma ponowili, baraka dźensa jara awtentiska skutkuje, tak tež jednotliwe eksponaty w njej. Elke Rosch­mann dóstawa nimale wšědnje telefo­naty wočiswědkow abo jich přiwu­znych. Z jich rozprawami a dokumen­tami lěta 2007 zdźěłanu wustajeńcu wudospoł­njeja.

wozjewjene w: Łužica
Prošu přizjewće so, chceće-li komentar podać

Serbska debata

nowostki LND