Dźěłowy kruh za serbske naležnosće Budyskeje měšćanskeje rady wotpokazuje, přewjesć jutry njedźelu namjetowanu swětłowu show. Za přičinu maja čłonojo cyłka nabožny wobsah jutrow.
Budyšin (CK/SN). Planowany móst z parkowanišća při Schliebenowej na Budyski hród měł so přichodnje k jutram wobswětlić. To pak je dźěłowy kruh na swojim wčerawšim posedźenju raznje wotpokazał. W nocy na jutrownu njedźelu swjeći so zrowastanjenje Jězusa jako najwyši swjedźeń křesćanskeho cyrkwinskeho lěta. To njeda so ze spektaklom za turistow zjednoćić, gremij wuzběhny. Swětłowa show hodźi so runje tak derje k druhim składnosćam wuhotować.