Budyšin (CK/SN). W Hornjej Łužicy bě w aprylu 20 084 žonow a muži bjez dźěła. To je 1 428 mjenje hač měsac do toho. Kaž šef Budyskeje agentury za dźěło Thomas Berndt praji, je bjezdźěłnosć samo spěšnišo woteběrała hač wočakowane. To je wuskutk nowonastatych dźěłowych městnow, po połojcy pak tež wuskutk demografiskeho wuwića. Mjeztym zo je kwota bjezdźěłnosće w Radebergskim a Kamjenskim regionje pod štyrjomi procentami, štož po měnjenju fachowcow połnemu dźěłu wotpowěduje, wostanje wona w Zhorjelcu z dwanaće procentami a wulkim wotstawkom dale na wysokim niwowje konstantna.