Hamor (AK/SN). Z wobchadnym konceptom chce gmejna Hamor přichodnje turistow a wopytowarjow při Bjerwałdskim jězoru zaměrnje wodźić. Tole podšmórny nawodnica twarskeho zarjada gmejny Cortina Kokles na póndźelnym posedźenju Hamorskeje gmejnskeje rady. Jeje čłonojo tam jednohłósnje wobzamknychu, zo ma Rěčičanski inženjerski běrow za nimale 50 000 eurow tajki koncept zdźěłać.