Statok ze žiwjenjom pjelnjeny

wutora, 29. meje 2018
artikl hódnoćić
(0 )
Předsydka Trjebinskeje Domowinskeje skupina Angelika Balccyna rozłoži małym wjesnjanam dudy a namrěwstwo Hanza Šustera.  Foto: Jost Schmidtchen Předsydka Trjebinskeje Domowinskeje skupina Angelika Balccyna rozłoži małym wjesnjanam dudy a namrěwstwo Hanza Šustera. Foto: Jost Schmidtchen

Trjebin (JoS/SN). Wosmy raz spominachu minjenu njedźelu w Trjebinje na to, zo běchu tam lěta 2010 kluč za restawrowany Šusterec statok přepodali. Dźakowano Domowinskej skupinje, čłonkam žonjaceho towarstwa a z podpěru gmejny zaćahny wot toho časa zaso čiłe žiwjenje na statoku. Wopytowarjow njedźelneho hudźbneho dopołdnja stej Jolina Reichertec a Alina Mäkelburgec w serbskej drasće z chlěbom a selu witałoj.

Zahajili su hudźbne dopołdnjo z němsko-serbskej Božej słužbu w muzejowej bróžni. Hudźbne wobrubjenje měješe pozawnowy chór na starosći, tež Rowniske glosy na kemšach zaspěwachu. Zo běchu wšitke městna w bróžni wobsadźene, hnuješe tež Trjebinskeho wjesnjanostu Waldemara Locku (CDU). Wón přednjese ewangelij a próstwy. „Na towarstwowe žiwjenje na Šusterec statoku sym jara hordy. To je předewšěm zasłužba Domowinskeje skupiny. Za tym tči wjele čestnohamtskeho dźěła, štož dźensa bohužel wšudźe wjace tak samozrozumliwe njeje. Tohodla dźakuju so wšitkim, kotřiž tónle historiski statok stajnje znowa ze žiwjenjom napjelnjeja“, Waldemar Locke wuzběhny.

wozjewjene w: Lokalka
Prošu přizjewće so, chceće-li komentar podać

nawěšk

  • Minjenu njedźelu wotmě so w Blunju 11. serbski ewangelski domizniski dźeń. Tule nańdźe někotre fotowe impresije ze swjedźenja, kotrež je Janek Wowčer zapopadnył.
Am 17. Juni fand in Bluno der 11. sorbische evangelische Heimattag statt. Hier finden si

nowostki LND