Klanki jako swójbny projekt

póndźela, 25. junija 2018
artikl hódnoćić
(0 )
Atrakciji we wustajeńcy klankow Nicole Peto w Nowym Měsće nad Sprjewju stej  karusel a koło, z kotrymajž so klanki wjerća.  Foto: Jost Schmidtchen Atrakciji we wustajeńcy klankow Nicole Peto w Nowym Měsće nad Sprjewju stej karusel a koło, z kotrymajž so klanki wjerća. Foto: Jost Schmidtchen

Lubowarjo klankow najwšelakorišeho razu měli sej na jednym z přichodnych kóncow tydźenja do Noweho Města nad Sprjewju dojěć. Štož tam wuhladaš, je zawěrno njewšědne.

Nowe Město (Jos/SN). Wot europskeho zetkanja Nowych Městow lěta 2009 zwostachu nimo fotow jenož hišće woso­binske dopomnjenki. Tehdy běchu wobydlerjo namołwjeni, z kreatiwnymi ideje swjedźeń wobohaćić. Mnozy swój statok wočinichu a poskićichu pražene swinjo, pokazachu narodnu drastu abo hudźachu. Wšo to je nimo. Ale nic pola Nicole Peto na Wjesnej 29. W lěće 2009 je wona ideju zrodźiła swoju zběrku klankow raz zjawnje pokazać. Z toho nasta nětko bjez přetorhnjenja kóždolětna atrakcija w lěću jako zhromadny swójbny projekt. Za nju horja so mali runje tak kaž wulcy lubowarjo klankow.

Mjeztym zo bě na zetkanju Nowych Městow něhdźe 1 500 klankow widźeć, budźe jich lětsa wjace hač 3 000. Cył­kowna zběrka młodeje žony je mjeztym na ně­hdźe 4 500 klankow rozrostła. Wo tónle wobjim staraja so zwjetša wo­pytowarjo sami, kotřiž swoje klanki přewostajeja abo je do Noweho Města ­sćelu.

wozjewjene w: Lokalka
Prošu přizjewće so, chceće-li komentar podać

nawěšk

nowostki LND