Zetkaja so při jubilejnym koliku

štwórtk, 05. julija 2018
artikl hódnoćić
(0 )

Chrósćicy/Pančicy-Kukow (MG/SN). Dnja 6. julija 2003 bu Ekumeniski putniski puć wot městow Zhorjelca do Vacha swjatočnje poswjećeny. Składnostnje 15lětneho jubileja su na 460 kilometrow dołhej čarje kóžde 15 kilometrow kolik do zemje zbili a na nim woprawdźitu mušlu přičinili, na kotrejž steji ličba 15. Při tutych kolikach zetkaja so jutře, pjatk, we 18 hodź. małe skupinki k wječornej nutrnosći. Su to hospodowarjo, putnicy a aktiwni pućowarjo. Ale tež wšitcy zajimcy su přeprošeni. W Budyskim wo­krjesu stejitej kolikaj, hdźež so tajki nyšpor wotměje, w Hornim Wunjowje před Opitzec hospodu a pola klóštra Mariji­neje hwězdy při zachodźe do Lipja.

wozjewjene w: Łužica
Prošu přizjewće so, chceće-li komentar podać

Serbska debata

nowostki LND