Ze susodami zhromadnje na slědach Konrada Zusy

póndźela, 16. julija 2018
artikl hódnoćić
(0 )
Nawodnica Wojerowskeho Zusoweho muzeja Andrea Prittmann (naprawo) je wobdźělnikam němsko-čěskeho projekta za nowe wustajenišćo wobdźělenske wopisma přepodała.  Foto: Andreas Kirschke Nawodnica Wojerowskeho Zusoweho muzeja Andrea Prittmann (naprawo) je wobdźělnikam němsko-čěskeho projekta za nowe wustajenišćo wobdźělenske wopisma přepodała. Foto: Andreas Kirschke

Wojerecy (AK/SN). Kompjuterowy muzej Konrada Zusy we Wojerecach dóstanje młodźinje wotpowědowace a kreatiwne wustajenišćo. „W nim pokazaja historisku časowu pruhu, wuměłske instalacije, wjacore stare ličaki kaž tež kompjuterowy labor za wuspytanje. Wšitke eksponaty budu w němčinje, čěšćinje a jendźelšćinje rozłožene. Wot kónca awgusta budźe rumnosć přistupna. Potom ma tež audioguide hotowy być“, powěda nawodnica muzeja Andrea Prittmann. Nowe wustajenišćo je dźěl němsko-čěskeho projekta „Konrad Zuse hlada přez mjezy“. Na nim wobdźělene su regionalne dźěłanišćo za kubłanje, demokratiju a žiwjenske perspektiwy RAA, Wojerowski Léona Foucaultowy gymnazij a powołanskošulski centrum w čěskim Chomutovje. W septembru 2017 zahajeny projekt chcedźa hač do 2020 zwoprawdźić. Za to dóstanu nimale poł miliona eurow spěchowanskich srědkow ze Saksko-čěskeho kooperaciskeho programa.

wozjewjene w: Lokalka
Prošu přizjewće so, chceće-li komentar podać

nawěšk

  • Tež lětsa je Domowina na swjedźenskim zarjadowanju wjacorym čestnohamtsce skutkowacym Serbam Myta Domowiny, Čestne znamješko Domowny a tohorunja čestne čłonstwo třěšneho zwjazka spožčiła.  Mjez wuznamjenjenymi běchu zastupjerjo wjacorych generacijow.

nowostki LND