Wot łužiskeje jězoriny zabyći?

srjeda, 01. awgusta 2018
artikl hódnoćić
(0 )
Angela Kubicki kaž tež Hans a Christa Domšec (wotl.) z Lipin žadaja sej lěpše přiwjazanje wsy na infrastrukturu, předewšěm lěpši busowy zwisk.  Foto: Andreas Kirschke Angela Kubicki kaž tež Hans a Christa Domšec (wotl.) z Lipin žadaja sej lěpše přiwjazanje wsy na infrastrukturu, předewšěm lěpši busowy zwisk. Foto: Andreas Kirschke

Wjes Lipiny trjeba wjac žiwjenskeje kwality a zwisk k turizmej

Lipiny (AK/SN). Wobydlerjo Lipin (Lippen) we Łazowskej gmejnje čuja so zabyći. Po tym zo bě tam 2010 a 2012 k zesuwanjam zemje dóšło – zapadnje wsy běchu so něhdźe 1,3 hektary płoniny sadźili – bě Łužiska a srjedźoněmska towaršnosć hórnistwoweho zarjadnistwa (LMBV) po dorěčenju ze zamołwitymi šěroke pasmo zawrěć dała. Hišće dźensa je něhdźe 2 000 hektarow mjez Lipinami a Łazom zaraćenych. „Zawrjenje bě hłuboki zarěz do žiwjenskeje kwality. To hač do dźensnišeho začuwamy“, měnitaj Christa a Hans Domšec. „Wot lěta 2010 je něhdźe pjeć kilometrow dołha kolesowarska šćežka mjez Lipinami a Łazom začinjena. Nimamy hižo direktny zwisk do Łaza.“ Šulske dźěći běchu šćežku jako šulski puć wužiwali, seniorojo podawachu so po njej k nakupowanju abo k lěkarjej. Tež turisća-kolesowarjo rady po šćežce jězdźachu. Podłu njeje informuja zdobom wo stawiznach bywšeje jamy Łaz III, čehoždla zhubichu w lětach 1960 do 1964 zapadny dźěl wsy. 195 wobydlerjow – dwě třećinje wjesneje ludnosće – tehdy přesydlichu, mjez druhim stachu so tež jednaće hatow z woporom brunicy.

wozjewjene w: Lokalka
Prošu přizjewće so, chceće-li komentar podać

nawěšk

  • Minjenu sobotu, 24. nowembra, wotmě so Budyskim NSLDź lětuša Schadźowanka. Tule namakaće někotre fotowe impresije.
Das alljährliche Treffen der sorbischen Studierenden, Absolventen und Gymnasiasten Schadźowanka fand am Samstag, den 24. November, zum

nowostki LND