Partnerske zwiski pohłubša

štwórtk, 06. septembera 2018
artikl hódnoćić
(0 )

Direktnu wuměnu wobydlerjow chce město Budyšin pjenježnje podpěrać

Budyšin (CK/SN). Zo by zhromadne dźěło z partnerskimi městami spěchowało, přewostaji město Budyšin wot klětušeho za to lětnje 15 000 eurow. To su měšćanscy radźićeljo na swojim zańdźenym posedźenju jednohłósnje schwalili. „Měšćanske partnerstwa su wažny přinošk, zo móhł so Budyšin ze swojim mnohostronskim charakterom prezentować“, rěka we wobkrućenju. Nimo toho zmóžnja mjezynarodna wuměna nowe perspektiwy za turizm, hospodarstwo, kulturu a kubłanje.

Budyšin ma pjeć partnerskich městow: Su to Worms (wot lěta 1990), Heidelberg (1991), Dreux w Francoskej (1992), Jelenia Góra w Pólskej a Jablonec nad Nisou w Čěskej (wobě wot 1993). We wobłuku lětušeho Budyskeho nalěća pomjenowachu ležownosć pod Starej wodarnju na Naměsto partnerskich městow. Wo nich informuja tam na muri z tekstom a wobrazami.

wozjewjene w: Lokalka
Prošu přizjewće so, chceće-li komentar podać

nawěšk

  • Minjenu sobotu, 24. nowembra, wotmě so Budyskim NSLDź lětuša Schadźowanka. Tule namakaće někotre fotowe impresije.
Das alljährliche Treffen der sorbischen Studierenden, Absolventen und Gymnasiasten Schadźowanka fand am Samstag, den 24. November, zum

nowostki LND