Wjacore wolóženja předwidźane

pjatk, 21. septembera 2018
artikl hódnoćić
(0 )

Zhorjelc (AK/SN). Wokrjes Zhorjelc planuje tuchwilu dwójny etat za lěće 2019/2020 z jasnje lěpšimi wuměnjenjemi hač w zašłosći. „Financny wurunanski zakoń mjez Swobodnym statom Sakskej a komunalnymi wodźacymi zwjazkami běchu zamołwići w podlěću znowa wujednali“, zdźěli komornik wokrjesa Thomas Gampe na posedźenju wokrjesneho sejmika předwčerawšim w Zhorjelcu. „Z komunalneho wida docpěchmy dobry jednanski wuslědk. We wažnych dypkach smy so přesadźili.“

W lětomaj 2019 a 2020 móže Zhorjelski wokrjes z jasnje wjace powšitkownymi klučowymi připokazankami sakskeho knježerstwa ličić. Lětsa dósta 628 706 eurow. Klětu ma to 670 670 eurow być, w lěće 2020 samo 705 080. „Dale pozitiwne je, zo Sakska pawšalu wokrjesam za zastaranje požadarjow azyla zwyši. Lětsa wučinješe pawšala 9787 eurow na wosobu, klětu budźe to 12 551 eurow. Jako wurunanje wulkeho poćežowanja w lěće 2016, w kotrymž je wjele ćěkancow do Zhorjelskeho wokrjesa přišło, dóstanje wokrjes nětko tři miliony eurow.

wozjewjene w: Lokalka
Prošu přizjewće so, chceće-li komentar podać

nawěšk

nowostki LND