Štwory škitny srědk přećiwo wirusowej gripje wšitkim poručeja
Budyšin (SN/mwe). „Kaž kóžde lěto je šćěpjenje najlěpša profylaksa přećiwo gripje. Škitne šćěpjenje radźimy wosebje chronisce chorym, ludźom w starobje nad 50 lětami a tym, kotřiž maja kontakt z mnohimi ludźimi. Štwory šćěpjenski srědk mamy za wšitkich wobydlerjow Budyskeho wokrjesa k dispoziciji“, z Budyskeho krajnoradneho zarjada rěka. Kaž Dunja Reichelt z nowinarskeho běrowa wobkrući, chorobne kasy lěpše šćěpjenje wšitkim płaća. Strowotniski zarjad wokrjesa je na šćěpjenske akcije, kotrež su wutoru w Kamjencu zahajili, derje přihotowany. „Šćěpjenski srědk předleži. Nimo toho strowotniski zarjad šćěpjenski proces we wokrjesu wobstražuje. Tež lětsa zaso škitne šćěpjenje a poradźowanje přećiwo gripje poručamy.“