Kanterowe dobyće w derbyju

póndźela, 15. oktobera 2018
artikl hódnoćić
(0 )
Jakob Pakoßnick (prědku, Pančicy) je w jara dobrej formje. Po 8. hrajnym dnju wón lisćinu třělcow z dźewjeć wrotami nawjeduje.  Foto: Jörg Stephan Jakob Pakoßnick (prědku, Pančicy) je w jara dobrej formje. Po 8. hrajnym dnju wón lisćinu třělcow z dźewjeć wrotami nawjeduje. Foto: Jörg Stephan

ST Mały Wosyk

– ST Marijina hwězda 0:8 (0:3)

Zestawa hosći: Schmidt – Wróbl, Škoda, Rab, R. Cyž (58. Jurš), Peschmann, Pjetaš (65. Bělk), Hawš, Ch. Cyž, Zelnak (56. Eldor), Pakoßnick

Na wosmym hrajnym dnju wokrjes­neje koparskeje ligi wotmě so skónčnje dołho wočakowany němsko-serbski derby susodow. ST Marijina hwězda wšak bě wulki faworit. Wot prěnjeje hač do poslednjeje mjeńšiny wona w tej róli tež wosta a je přećiwo underdogej jasnje doby­ła. Prěnje wrota we 8. min. dźěchu na konto Oskara Hawša. 0:2 (15.) bě Feliks Pjetaš cyle jednorje raz ze zdalenosće 16 metrow na wrota třělił. Bul dótkny so wjacore razy zemje a prasny wot nutřkowneje žerdźe do saka. Spěšna a direktna hra hosći wobradźeše koparjam z Małeho Wosyka wulke problemy. Nimale kóždu mjeńšinu mějachu Pančičenjo šansu na 3:0. Zwrěšćichu pak na swójskej lochkomyslnosći abo na jara derje dźeržacym wrotarju domjacych Dominiku Andersu. Ale hišće do połčasa třěli Jakob Pakoßnick 0:3 (39.), a to po jara dobrej přihrawce Pjetaša.

wozjewjene w: Sport
Prošu přizjewće so, chceće-li komentar podać

Serbska debata

nowostki LND