Kaž z awtom do hłubiny

štwórtk, 29. nowembera 2018
artikl hódnoćić
(0 )

Zarjadniski zwjazk ma wulke ćeže, hospodarski plan nastajić

Pančicy-Kukow (SN/MWj). Tak, kaž je we wšitkich komunach kóžde lěto wulke wužadanje, wurunany hospodarski plan nastajić, ma tež zarjadniski zwjazk Při Klóšterskej wodźe z tym dale a wjetše ćeže. To pokaza so znowa předwčerawšim, wutoru, jako so zastupjerjo sobustawskich gmejnow z naćiskom klětušeho etata zaběrachu.

Kaž předsyda zarjadniskeho zwjazka Měrko Domaška radźićelam rozłoži, su rozrosćace personalne kóšty sobu najwjetši problem. Tak dyrbja klětu 113 000 eurow wjace za personal płaćić, dokelž so tarify respektiwnje zakonske postajenja změnja. Dale rěčeše wo inwesticijach, kotrež Domašce po zakonskich předpisach wotwonka napołoža. Nimo toho ma tež wón za swojich sobudźěłaćerjow sam někotre­ přeća. K nim słuša defibrilator – nastroj, z kotrymž móžeš we wobłuku prěnjeje pomocy čłowjeka wožiwić –, licency­ za kompjuterowe programy a nowu tepjensku připrawu.

wozjewjene w: Łužica
Prošu přizjewće so, chceće-li komentar podać

Serbska debata

nowostki LND