Pjerizna dakotała, kurčała a fifoliła

póndźela, 17. decembera 2018
artikl hódnoćić
(0 )
Na wustajeńcy rasoweje pjerizny bě so kónc tydźenja w Delnjej Hórce tež Pětr Wencel z Bronja wobdźělił. Wulke wjeselo za plahowarja je, zo spožči jemu jury za dołhopyskateho hołbja predikat „wurjadne“. Foto: Carmen Schumann Na wustajeńcy rasoweje pjerizny bě so kónc tydźenja w Delnjej Hórce tež Pětr Wencel z Bronja wobdźělił. Wulke wjeselo za plahowarja je, zo spožči jemu jury za dołhopyskateho hołbja predikat „wurjadne“. Foto: Carmen Schumann

Z klětkami połna nastajena bě sobotu a wčera sportowa hala w Delnjej Hórce. Něhdźe 450 kokošow, hołbjow a ptačkow wšelakich družin tam wótře a wjesele dakotaše, kurčeše a fifoleše.

Delnja Hórka (SN/mwe). Wjele ludźi, lubowarjow rasoweje pjerizny, je sej kónc tydźenja do Delnjeje Hórki na wosebitu přehladku dojěło. Kaž kóžde lěto něšto dnjow do hód bě tež lětsa zaso jedne z najstaršich towarstwow Budyšina, Plahowarjo rasoweje pjerizny 1878, w twarjenju na Delnjohórčanskim sportnišću přehladku rasoweje pjerizny organizowało. Mjez něhdźe 350 wopytowarjemi z Budyskeho wokrjesa, ale tež z južnych braniborskich kónčin, bě tójšto dźěći a młodostnych.

Towarstwu Plahowarjo rasoweje pjerizny 1878 Budyšin přisłuša tuchwilu 42 čłonow, mjez nimi su tež Serbja kaž Pětr Wencel z Bronja. Wjetšina z nich je hižo starša, tola tež štyrjo młodostni su cyłkej swěrni. „Kaž w mnohich druhich towarstwach je tež pola nas problem, zo na dorosće klaca“, měnješe zapisowar Erik Wilde z Malešec.

wozjewjene w: Lokalka
Prošu přizjewće so, chceće-li komentar podać

nawěšk

  • Sernjany su swoju róčnicu prěnjeho naspomnjenja wsy před 600 lětami z wosebitym wjesnym swjedźenjom wuspěšnje woswjećili. Tule nańdźeće někotre fotowe impresije wo tym:
Zerna feierte unlängst die Ersterwähnung des Ortes vor 600 Jahren mit einem beson

nowostki LND