Dźěćom „serbske hody“ zbližili

štwórtk, 20. decembera 2018
artikl hódnoćić
(0 )
Gabriela Linakowa (nalěwo) powědaše dźěćom z Wojerec a wokoliny wo serbskich do- a hodownych nałožkach.  Foto: Město Wojerecy/Bernd Wiemer Gabriela Linakowa (nalěwo) powědaše dźěćom z Wojerec a wokoliny wo serbskich do- a hodownych nałožkach. Foto: Město Wojerecy/Bernd Wiemer

Wojerecy (SN). Pod hesłom „Serbske hody“ je sobudźěłaćerka měšćanskeho zarjadnistwa Wojerec Gabriela Linakowa njedawno na historiskej žurli tamnišeje radnicy dźěćom z města a wokoliny we wobłuku žiweho adwentneho woknješka wo serbskich do- a hodownych nałožkach přednošowała. Zdobom jim zbliži, kak běchu dźěći we Wojerecach a wokolinje něhdy adwent a hody dožiwili. Žurlu radnicy bě Linakowa za to jako „dobru stwu“ wuhotowała, informuje město w nowinskej zdźělence. Tehdy wšak mějachu jenož prosty hodowny štomik, bjez swěčkow a lamety, debjeny jeno z jabłukami a samopaslenymi słomjanymi hwězdami. Boži narodk pod božodźěsćowy štom pak njesmědźeše na žadyn pad pobrachować. „Rumpodich je tehdy jenož jednore hrajki kaž bariki abo klanki, dźěćacu knihu a druhdy snano tež raz čumpateho konika přinjesł. Často běchu hodowne tež jeničke dary wob lěto, kotrež dźěći dóstachu“, Gabriela Linakowa rozłoži. Wona bě so za zarjadowanje narodnu drastu Wojerowskich ewangelskich Serbowkow zhotowała.

wozjewjene w: Lokalka
Prošu přizjewće so, chceće-li komentar podać

nawěšk

nowostki LND