„Króna“ słuša nětko sprjewinemu městu

srjeda, 09. januara 2019
artikl hódnoćić
(0 )
Alexander Kindermann z Berlinskeje předewzaćelskeje skupiny Onnasch je wčera jednaćelce Budyskeje bydlenjotwarskeje towaršnosće Kirsten Schönherr symbo liski kluč za „Krónu“ přepodał.  Foto: André Wucht Alexander Kindermann z Berlinskeje předewzaćelskeje skupiny Onnasch je wčera jednaćelce Budyskeje bydlenjotwarskeje towaršnosće Kirsten Schönherr symbo liski kluč za „Krónu“ přepodał. Foto: André Wucht

Budyšin (SN). Ze symboliskim přepo­daćom kluča je Budyska měšćanska hala „Króna“ wčera cyle oficialnje do wobsydstwa města Budyšina přešła. Jednaćelski towaršnik Berlinskeje předewzaćelskeje skupiny Onnasch Alexander Kindermann bě do sprjewineho města přijěł, zo by jednaćelce Budyskeje bydlenjotwarskeje towaršnosće (BWB) Kirsten Schönherr symboliski kluč přepodał. Tak sćahnychu poslednju smužku pod dwě lěće trajace diskusije wo „Krónu“.

Loni 29. awgusta bě Budyska měšćanska rada wobzamknyła, areal mjez Kamjentnej a Hornčerskej hasu kupić. „Njemóžemy a nochcemy přihladować, kak priwatni inwestorojo na płoninje wo­srjedź města twarske hrěchi skućeja“, wyši měšćanosta Alexander Ahrens (SPD) argumentowaše. 20. septembra 2018 pod­pisachu kupne zrěčenje, a wčerawše přepodaće kluča bě posledni symboliski krok.

wozjewjene w: Lokalka
Prošu přizjewće so, chceće-li komentar podać

nawěšk

  • 21. jolka-swjedźeń w Nuknicy je nimo. Štož zwostanje su dopomnjenki na rjany žortny a zabawny wječor w Nukničanskej Brězanec bróžni. Někotre impresije serbskeho wječora w Nuknicy, kotrež je naša fotografowka-wolontarka Hanka Šěnec zhotowiła, wam tule
  • Serbske Nowiny-LND-Tuchmacherstr. 27 02625 Bautzen: Jolka 12.01.2019
  • Serbske Nowiny-LND-Tuchmacherstr. 27 02625 Bautzen: Jolka 12.01.2019

nowostki LND