Wokrjesy změja hłownohamtskich serbskich społnomócnjenych
Baršć/Lubin/Zły Komorow (SN/at). Społnomócnjeni za serbske naležnosće wokrjesow Dubja-Błóta (LDS), Hornje Błóta-Łužica (OSL) a Sprjewja-Nysa (SPN) kaž tež bjezwokrjesneho města Choćebuz su wot 1. januara 2019 połne dźěłowe městna, płaćene wot kraja Braniborskeje. To je krajny sejm w Podstupimje loni w oktobrje wobzamknył. We wšěch třoch delnjołužiskich wokrjesach su za to přiměrjenja trěbne, dokelž wukonjeja we wokrjesomaj LDS a OSL zastojnstwo dotal čestnohamtsce, w SPN je funkcija na poł městna wobmjezowana.
Hač do kónca februara stej wokrjesaj SPN a LDS trěbne wuměnjenja tworiłoj. Wokrjesny sejmik w Baršću je 20. februara za wokrjesne zarjadnistwo změnjeny plan městnow wobzamknył, a tak ma nětko serbska społnomócnjena połne dźěłowe městno k dispoziciji.
