Nazhonjenja sej wuměnjeć a mjez sobu so pozbudźeć

póndźela, 04. měrca 2019
artikl hódnoćić
(0 )
Jens Leschner, Helka Nikich, Stefan Skora, Korina Jenßen a Evelyn Scholz (wot lěwa) Wojerowski kongres přihotuja.  Foto: Andreas Kirschke Jens Leschner, Helka Nikich, Stefan Skora, Korina Jenßen a Evelyn Scholz (wot lěwa) Wojerowski kongres přihotuja. Foto: Andreas Kirschke

Wojerecy (AK/SN). Z kongresom za demokratiju, kubłanje a žiwjensku kwalitu chce město Wojerecy akterow z praksy 7. měrca hromadu wjesć. Woni měli sej nazhonjenja wuměnjeć, so mjez sobu pozbudźeć a nowe ideje wuwiwać. „K dobrej žiwjenskej kwaliće słušatej demo­kratija a kubłanje“, podšmórny wyši měšćanosta Stefan Skora (CDU), jako je tele dny hromadźe z regionalnym běrowom za kubłanje, demokratiju a žiwjenske perspektiwy (RAA) program předstajił.

15 referentow a wjace hač 100 wobdźělnikow je so přizjewiło. „To njejsu jenož fachowcy z komunow, ale tež z młodźinskeho socialneho a šulskeho dźěła runje tak kaž z dźěła z ćěkancami “, rje­kny Jens Leschner z měšćanskeho zarjadnistwa. Tam móža swoje nazhonjenja z interkulturneho tydźenja a dalšich projektow zapřijeć. Helga Nikich z předsydstwa RAA skedźbni na to, zo su Wojerecy jedne z mało městow z wosebitym kubłanskim konceptom.

wozjewjene w: Lokalka
Prošu přizjewće so, chceće-li komentar podać

nawěšk

nowostki LND