Dźěwin (AK/SN). Jedna z wažnych lětušich naprawow Dźěwinskeje gmejny budźe přetwar gratownje dobrowólneje wohnjoweje wobory. „Projekt je trěbny, dokelž mamy nowe hašenske jězdźidło skazane. A za nje dyrbimy dopokazać, zo twarske wuměnjenja w gratowni DIN-předpisam wotpowěduja“, rozłoži Dźěwinski wjesnjanosta Helmut Krawc (SPD) na zašłym posedźenju tamnišeje gmejnskeje rady. Radźićeljo wobzamknychu, zo ma Běłowodźanski inženjerski běrow projekt planować.