Maja nowe hašenske jězdźidło

wutora, 07. meje 2019
artikl hódnoćić
(0 )
Michał Ričel, Christina Łušćanscyna, Michał Łušćanski (wotlěwa) a dalši Njebjelčanscy wobornicy wjesela so nad nowym hašenskim jězdźidłom.  Foto: Jakub Langa Michał Ričel, Christina Łušćanscyna, Michał Łušćanski (wotlěwa) a dalši Njebjelčanscy wobornicy wjesela so nad nowym hašenskim jězdźidłom. Foto: Jakub Langa

Njebjelčicy (jl/SN). Runje na dnju swjateho Floriana, patrona wobornikow, dachu Njebjelčanscy wobornicy minjenu sobotu swoje nowe hašenske jězdźidło po­swjećić. Swjatočnosć přewjedł je wosadny farar Michał Nawka.

28 aktiwnych kameradow dyrbješe sej nowe awto wobstarać, dokelž stare hižo za hašenje kmane njebě. Wobornicy běchu so hižo dwě lěće wo nowe awto prócowali. Dokelž njebě hinašeho wupuća, rozsudźichu so za njewšědny krok a swoje stare awto wot lońšeho junija hižo wužiwali njejsu, tak zo njeběchu zasadźomni. Wuslědk bě, zo měješe so gmejna wo nowe jězdźidło starać. Najwjetši problem při tym bě, spěšnje tajke namakać. Bychu-li pak na dospołnje nowym awće wobstali, by to najskerje dwě abo tři lěta trało. Telko chwile wězo njemějachu. Zo bychu wohnjoškit w gmejnje zaso zaručili, rozsudźichu so za trjebane awto a kupichu sej je loni spočatk nowembra pola wikowarja w durinskim Nordhausenje.

wozjewjene w: Łužica
Prošu přizjewće so, chceće-li komentar podać

Serbska debata

nowostki LND