Ze 34 serbskimi kandidatami poručenje

srjeda, 22. meje 2019
artikl hódnoćić
(0 )

Za wólby Budyskeho wokrjesneho sejmika SWZ po cyłym wokrjesu nastupi

Budyšin (SN/at). K wólbam wo 98 mandatow za nowy Budyski wokrjesny sejmik nastupi 386 kandidatow w 14 wólbnych wokrjesach. Mjez nimi su tři Serbowki a 31 Serbow. Přichodna ličba wo­krjesnych radźićelow je samsna kaž ta aktualneho sejmika a złožuje so na předpisy Sakskeho komunalneho porjada, wuswětla wokrjesna wólbna nawodnica Andrea Peter. Wotum budźe hromadźe z wólbami Europskeho parlamenta, měšćanskich, gmejnskich a wjesnych radow njedźelu, 26. meje.

Dwanaće Serbow kandiduje we wólbnym wokrjesu (wk) 12, kotremuž su gmejny zarjadniskeho zwjazka Při Klóšterskej wodźe, Kulow, Halštrow a Łaz přirjadowane. Za CDU su to Dawid Statnik, Měrko Domaška a dr. Beno Wałda, za FDP Alexander Pólk, za Zelenych Julian Nyča, za Serbske wolerske zjednoćenstwo (SWZ) Jan Budar, Ka­tharina Jurkowa, Sonja Hrjehorjowa, Měrko Korjeńk, Marko Kowar a Clemens Škoda, za Łužisku aliancu Ignac Wjesela.

wozjewjene w: Łužica
Prošu přizjewće so, chceće-li komentar podać

Serbska debata

nowostki LND