Njedźelu swójby w srjedźišću byli

wutora, 11. junija 2019
artikl hódnoćić
(0 )
Kapała Chmjelowanka je spodobne serbske a čěske štučki hudźiła a tak dobru na ladu při zhromadnym kofejpiću Pěskečanow a hosći přisporjała.  Foto: Jan Kral Kapała Chmjelowanka je spodobne serbske a čěske štučki hudźiła a tak dobru na ladu při zhromadnym kofejpiću Pěskečanow a hosći přisporjała. Foto: Jan Kral

Pěskecy (JK/SN). Lóštne a čiłe žiwjenje knježeše swjatkowničku popołdnju na a při Pěskečanskim sportnišću. Njedźelny dźěl tradicionalneho swjatkowneho swjedźenja ze sportom a zabawu słuša wjesnjanam, jich swójbam a přiwuznym. Kaž w lětach do toho běše sportowe towarstwo z podpěru mnohich wjesnjanow spodobny swjedźeń přihotowało, na kotrymž bě za kóždu generaciju něšto pódla. Při najrjeńšim wjedrje po­dachu so wosebje młode swójby z dźěćimi na teren při sportnišću, hdźež čakaše na nje wulki poskitk najwšelakorišich zabawow. Nimo skakanskeju hrodow wužiwachu dźěći składnosć, so raz z awtom wohnjoweje wobory po sportnišću a wokolinje wozyć dać. Tež XXL-kicker, na kotrymž běchu so młodostni a dorosćeni na předwječoru wubědźowali, zbudźi zajim najmjeńšich, ale tež někotrehožkuli dorosćeneho, kiž tajki nastroj hišće wuhladał njebě.

wozjewjene w: Lokalka
Prošu přizjewće so, chceće-li komentar podać

nawěšk

nowostki LND