Budyšin (CS/SN). Wuměłstwowy projekt „Swětło pozbudźa“ bu swjatkowničku w Budyšinje zakónčeny. Po kemšach w tachantskej cyrkwi su swětłowy křiž dele wzali. Minjene tři měsacy běchu swětłowe křiže a dalše wuměłske twórby Reck­ling­hausenskeho wuměłca Ludgera Hinsy w sprjewinym měsće a wokolinje ludźi jimali. We wobłuku programa wotmě so 82 zarjadowanjow wot přednoškow přez koncerty a dźiwadłowe inscenacije hač k wodźenju po Tuchorskim kěrchowje.