Něhdy bě w nimale kóždej wsy nakupowanišćo, hdźež poskićachu twory wšědneje potrjeby. Runočasnje běchu to socialne centrumy, hdźež so wjesnjenjo rady k bjesadźe zetkawachu. W našej lětnjej seriji na něhdyše wjesne wobchody dopominamy.
Dźensa: Běły Chołmc (14)
Wo stawiznach Běłochołmčanskeje wjesneje předawarnje móže Werner Thomas wjele powědać. Hač do lěta 1992 bě wón nimale štyri lětdźesatki direktor šule w Běłym Chołmcu a je so ze zašłosću wsy wobstajnje zaběrał.