Dźesate pojutrowne walkowanje jejkow wotměte

póndźela, 13. apryla 2015
artikl hódnoćić
(0 )
Tójšto ludźi je wčera w Nowym Měsće nad Sprjewju na walkowanje jejkow přišło, kotrež su tam dźesaty raz přewjedli. Foto:  Jost Schmidtchen Tójšto ludźi je wčera w Nowym Měsće nad Sprjewju na walkowanje jejkow přišło, kotrež su tam dźesaty raz přewjedli. Foto: Jost Schmidtchen

Nowe Město (JoS/SN). Kóždu swójbu w Nowym Měsće nad Sprjewju bě tam­niše domizniske towarstwo wosobinsce přeprosyło, zo by prawje wjele ludźi na kóždo­lětne walkowanje jejkow tydźeń po jutrach na nawjes přišło. A nimale wšitcy su přeprošenje wčera popołdnju sćěhowali, wšako nalětnje słónco přidatnje wabješe. Tójšto žonow bě so serbsku narodnu drastu woblekło a tak woblubowanemu zarjadowanju wose­bi­ty raz spožčiło. Nimale w kóždej domjacnosći tajku drastu­ maja, někotre samo wjacore. Zwjesela, zo bě šwarna ličba młodych swójbow přišła, zwjetša z dźěćacym wozyčk­om. Tuž so wjesna pěstowarnja wo to starać njetrjeba, zo budźe wona tež přichodne lěta wućežena.

Lětuše walkowanje jejkow w Nowym Měsće bě dźesate tajke zarjadowanje. Započe­li běchu na małej přirodnej skłoninje, po kotrejž dachu dźěći jejka do pěskoweje hromady kuleć. Štóž je ze swojim jejkom jedne z tamnych trjechił, smědźeše sej je sobu wzać. Bjez dźiwa, zo běchu dźěći tež wčera cyle cyplkojte, zo bychu prawje wjele jejkow wotnjesć móhl­i.

wozjewjene w: Lokalka
Prošu přizjewće so, chceće-li komentar podać

nawěšk

SERBSKE NOWINY podpěruja:

fueorg misain karten sorbisch

nowostki LND