Pytaja zajimcow za dobrowólne lěto

srjeda, 15. apryla 2015
artikl hódnoćić
(0 )
Eileen Nguyen wukonja swoje dobrowólne ekologiske lěto w coologiskim wobłuku  Kamjenskeho Muzeja zapadneje Łužicy.  Foto: Bendix Heinrich Eileen Nguyen wukonja swoje dobrowólne ekologiske lěto w coologiskim wobłuku Kamjenskeho Muzeja zapadneje Łužicy. Foto: Bendix Heinrich

Kamjenc (SN). Kaž kóžde lěto započinaja so nětko w aprylu zajimcy po wšej Sakskej za dobrowólne ekologiske lěto (FÖJ) požadać. Tež Kamjenski Muzej zapadneje Łužicy ma za to pjeć městnow w swojich wšelakich wobłukach. Za nje pytaja młodostnych w starobje 16 do 27 lět. Wot 1. septembra 2015 hač do 31. awgusta 2016 maja woni tam składnosć w coologiskim, archeologiskim, geologiskim a wobswětokubłanskim wobłuku připóznatu dobrowólnu słužbu zmištrować. Hromadźe z wědomostnikami a pedagogami so młodostni z dźěłom muzeja zeznajomjeja a je sobu wuhotuja. Při tym zestajeja wosebite wustajeńcy, naćisnu kubłanske programy, preparuja zwěrjata abo skutkuja w magacinje.

wozjewjene w: Łužica
Prošu přizjewće so, chceće-li komentar podać

Serbska debata

nowostki LND